நடிகை சினேகா தமிழ் சினிமாவில் பல முக்கிய ஹீரோக்களின் படங்களில் நடித்து இருக்கிறார். அவர் நடிகர் பிரசன்னாவை காதலித்து திருமணம் செய்துகொண்ட நிலையில் தற்போது அவர்களுக்கு இரண்டு குழந்தைகள் இருக்கின்றனர். அவ்வப்போது இவரது குழந்தைகள் இணையத்தில் வைரலாகும். தற்சமயம் சினேகா படங்களில் குணச்சித்திர ரோல்களில் நடிப்பது மட்டுமின்றி சின்னத்திரை நிகழ்ச்சிகளிலும் நடுவராக பங்கேற்று வருகிறார். ஹீரோயினாக நடிக்கும் வாய்ப்பு இல்லாவிடினும் கூட கிடைக்கும் எல்லா வாய்ப்பையும் பயன்படுத்தி வருகிறார். சினேகா அவரது வீட்டில் நான்காவது பெண்ணாக பிறந்தாராம்.

பெண் குழந்தை பிறந்துவிட்டதால் பாட்டி மூன்றுநாட்கள் அருகில் கூட வரவில்லையாம். மூன்றுக்கு ஒன்று ப்ரீ என அவரது அண்ணன் இவரை கிண்டல் செய்வாராம். மேலும் வீட்டில் கால் மேல் கால் போட்டு அமர்ந்து கொண்டு சினேகாவை அதிகாரம் செய்வாராம். எதிர்த்து கேட்டால், நீ பொண்ணு நான் ஆண் என சொல்வார்களாம். அந்த அளவுக்கு வீட்டில் பட்ட கஷ்டம் பற்றி சினேகா எமோஷ்னலாக கூறி இருக்கிறார். எப்போதுமே பெண்களுக்கு இது போன்ற அவமதிப்புகள் நடப்பதுண்டு. இப்போது அந்த குடும்பத்திலே சினேகா தானே பெயர் சொல்லும் பிள்ளையாக உள்ளார்.