Published:20.03.2023Category:Srilanka

தமது நெல்லை நிர்ணய விலையான 100 ரூபாவிற்கு கொள்வனவு செய்யுமாறு கோரிக்கை

Listen to news

புத்தளம் வண்ணாத்திவில்லு பிரதேச செயலகத்திற்குற்பட்ட பழைய எலுவாங்குளம் கிராம சேவகர் பிரிவிற்குற்பட்ட தவ்சமடு மற்றும் புத்தடிவெளி பகுதியில் இம்முறை 650 ஏக்கர் பரப்பில் நெற்பயிர்ச்செய்கை மேற்கொள்ளப்பட்டது.

எரிபொருள் தட்டுப்பாடு உரத்தட்டுப்பாடு மற்றும் பல்வேறு பிரச்சினைகளுக்கு மத்தியில் நுன்கடன்களைப் பெற்றும் தங்க நகைகளை அடகு வைத்தும் இம்முறை வேளாண்மை மேற்கொள்ளப்பட்டாக விவசாயிகள் தெரிவித்தனர்.

இதன்போது குறைந்தளவிலான விளைச்சலே தமக்கு கிடைக்கெப்பெற்றுள்ளதாகவும் இதனால் தமக்கு பாரிய நஷ்டம் ஏற்பட்டுள்ளதாகவும் விவசாயிகள் கவலைத் தெரிவிக்கின்றனர்.

விவசாயிகளிடமிருந்து 1 கிலோ நெல்லிற்கான நிர்ணய விலையான 100 ரூபாவிற்கு நெல்லை கொள்வனவு செய்யுமாறு அன்மையில் ஜனாதிபதி ஊடகங்களில் தெரிவித்திருந்தார்.

இவ்வாறு தெரிவித்திருந்த போதிலும் தமது நெல்லை 65 ரூபா முதல் 70 ரூபா வரை கொள்வனவு செய்வதாக அப்பகுதி விவசாயிகள் கவலைத் தெரிவிக்கின்றனர்.

ஜனாதிபதி கூறியது போன்று தமது நெல்லை 100 ரூபாவிற்கு பெற்றுக்கொள்வதற்கான வழிகளை மேற்கொள்ளுமாறு அப்பகுதி விவசாயிகள் கோரிக்கை விடுக்கின்றனர்.